Author: jensina

Landmælingar Íslands og Ritari ehf. undirrituðu samning um símaþjónustu þann 1. mars. Fyrirtækið Ritari ehf. sem staðsett er í sama húsi og Landmælingar Íslands var lægst í útboði sem gert var á símaþjónustu snemma á þessu ári og mun það taka við þjónustunni 1. apríl næstkomandi.  

Landmælingar Íslands hafa gefið út nýja geóíðu (láflöt) sem m.a. hefur verið reiknuð út frá þyngdarmæligögnum af Íslandi, hæðarlíkani og ísþykktargögnum. Nýja geóíðan var reiknuð í samstarfi við DTU Space í Danmörku, sem hafa mikla reynslu af slíkum útreikningum, en megin tilgangur þessara útreikninga var að reikna nýja og nákvæmari geóíðu af Íslandi og tengja… Continue reading Ný geóíða

Þann 24. febrúar síðastliðinn hélt Magnús Guðmundsson forstjóri Landmælinga Íslands fyrirlestur í utanríkisráðuneytinu um Arctic SDI verkefnið fyrir sendiherra norðurskautsríkjanna á Íslandi.

Þann 8. mars sl. gerðu Landmælingar Íslands samning við fyrirtækið Cloudengineering um hönnun og skipulag á nýjum vef fyrir stofnunina. CloudEngineering er þekkingarfyrirtæki sem sérhæfir sig í upplýsingatækni og vinnur meðal annars að vefhönnun með hugbúnaðinum Word Press sem Landmælingar Íslands hafa valið fyrir ytri vefinn.    

Í dag, 5. mars, verður í fyrsta skipti haldið upp á dag evrópska landmælingamannsins en þá eru nákvæmlega 500 ár frá fæðingu kortagerðarmannsins Gerardus Mercators í Belgíu. Til þess að minnast þessa hafa Landmælingar Íslands gefið út á pdf formi skýrslu um Landshæðarkerfi Íslands ISH2004, sem er einhver stærsti áfangi í landmælingasögu stofnunarinnar. Skýrslan verður… Continue reading Landshæðarkerfi Íslands á degi evrópska landmælingamannsins

Umhverfisráðuneytið hefur gefið út nýja reglugerð vegna landshæðarkerfis Íslands ISH2004. Reglugerðinni er ætlað að festa landshæðarkerfið í sessi sem grunnkerfi í landmælingum á Íslandi. Þá þykir mikilvægt að til sé reglugerð um það hvernig haga beri umgengni um mælipunkta kerfisins sem og viðhald þess.  Reglugerðin var birt í B-deild Stjórnartíðínda þann 15. febrúar 2012.

Landmælingar Íslands vilja að gögn þeirra séu notuð af sem flestum. Árið 2011 var sú ákvörðun tekin að innheimta ekki gjöld fyrir IS 500V gögn stofnunarinnar en hins vegar þarf að greiða þjónustugjald sem er kr. 3850,- án vsk og er gerður afnotasamningur þar um. Ef birta á gögnin og/eða dreifa þeim þarf að fá… Continue reading IS 500V gögn Landmælinga Íslands aðgengileg gegn vægu gjaldi

Nú er komið gott aðgengi að öllum bæjarteikningunum, frumteikningum Atlaskorta og ljósmyndumsem landmælingadeild herforingjaráðs Dana teiknaði á árunum 1902-1920. Í bæjarteikningaskránni eru sérmælingar og gerð uppdrátta af íslenskum bæjum, þéttbýlissvæðum og þorpum, þá er hægt að skoða frumteikningar Atlaskorta auk þeirra ljósmynda sem mælingamennirnir tóku þegar þeir voru við störf sín.